Jawahar Navodaya Vidyalaya, kaba la tip ruh kum ka JNV. Ka dei ka rukom pyniaid skul ba la seng da ka sorkar India da ka jingthmu ban pynbha ia ka pule puthi jong ki Khynnah ha ki jaka nongkyndong. Ka JNV ka la don la kumba 30 snem tam bad ka la iarap shibun ban pynroi ia ka jingpule puthi ha ka ri India. Kane ka blog kan batai bniah ia ka history, rukom trei kam bad ka jingdonkam ka JNV ha kaba dei bad ka pule puthi ha ri India.
Kaei Ka JNV?
Jawahar Navodaya Vidyalayas (JNVs) ki dei ki skul ba affiliate bad ka Central Board of School Education (CBSE) ba la seng ha u snem 1986 ban wanrah ia ka pule-puthi kaba biang ia ki Khynnah skul ha ki jaka nongkyndong.
Kine ki School ki sdang naduh ka kyrdan ba 6 haduh 12 bad ka thong ka long ban ai ka lad ka lynti ha ka jingpule ia baroh khamtam ia kito kiba duna ha ka ioh ka kot. Ka JNV ka dei ka residential institutions, ka mut ba ki Khynnah ki hap ban sah bording bad baroh ki jingdonkam jong ki kin sa pynbiang da ka institutions.
Ka History jong ka JNV?
Ka jingseng ia ka JNV lah ban phai dien naduh ba la thaw ia ka National Education Policy (NEP) jong u snem 1986, ba la thaw da ka sorkar India na ka bynta ka pule-puthi jong baroh. Ka NEP ka ithuh ia ka jingdonkam ka jingnang jingstad ia ki khynnah ha nongkyndong kiba dang duna ha ki skul ba la bha bad ba biang.
Ha u snem 1986 la seng nyngkong ia ka JNV ha Jhajjar, Haryana bad ki skul mynta ki la don 660 tam baroh kawei ka ri India bad ka la jingiarap ia bun ki khynnah ha ka pule-puthi ba biang man u snem. Ka Skul JNV mynta la seng jan baroh ki jylla jong ka ri India.
Kumno ka JNV ka treikam
Ban iohrung ha JNV, ki khynnah na Nongkyndong bad kiba duna ia ka ioh ka kot kin hap thoh da ka exam, ba ki khot entrance examination ba la pyniaid da ka Central Board of School Education (CBSE). Ki jingkylli ki long ha baroh ki subject kum ka Maths, Science, Social Science bad language skills, kaba la ai ia ki Khynnah ba dei na ki jaka ne ki thain ba kren da kata ka jait kyntien. Ka rukom jied ka long kaba klain ka jingialeh bad tang khyndiat ngut ki khynnah kin iohrung.
Mar sien iohrung, ki Khynnah ki ioh ia ki jingdonkam, ka bam, ki kot bad ki nonghikai kiba tbit kiba ai ka jingnang jingstad kaba biang. Ka Curriculum(Rukom ai nonghikai) la pynwan dur ban peit ia baroh ki jingdonkam jong u khynnah um tang ha ka jingpule hynrei shuh-shuh kiba don shabar ka jing pule.
Nalor ki subject ba la don lypa ha skul, ka JNV ka ai ruh vocational education kiba lah ban ai kam ai jam ha ka juk kaba mynta. Kane ka donkam bha ia ki Khynnah ba na nongkyndong ki bym ioh jinghikai ha ki lain kiba lah ban ai kam ai jam nalor ka jing pule.
Balei ki JNV ki donkam
Jawahar Navodaya Vidyalayas (JNVs) ki long ki ba donkam bha ha ka rukom pyniaid ia ka pule-puthi ha ri India namar ki ai ka jingnang jingstad kaba biang khamtam na ka bynta kito ki khynnah kiba duna ka ioh ka kot. Ka ai kat juh ka jinghikai ia ki khynnah Nongkyndong kumba ioh lang ki khynnah ba ha Sor.
Ka JNVs ka la pynsan pynrangbah ia bun ki khynnah kiba stad ha kane ka ri, bun na ki, ki la tyngshain ha la ki jong ki kam kiba ki trei. Nalor ba ka ai jingnang jingstad, ka JNVs ka la iarap ban pynkyntiew ia ki jaka Nongkyndong bad kumjuh ka roi ka par.
Ka JNVs ka la don bynta ban ai ka jingnang jingstad ia ki kynthei ha nongkyndong, khamtam ia kito ki jaka kiba artatien ban ai ka pule-puthi ia ki kynthei. Namar ki ai ka jaka pule kaba skhem bad ba shngain. JNVs ka la iarap ban pynduh noh ia kane ka jinglong.
Ka jingpynkut
Kumban shu pynlyngkot, ka JNVs ka la iarap shibun ban pynioh ia ka jingnang jingstad ia baroh ha ri India. Ka la ai ka pule-puthi kaba biang ia ki khynnah nongkyndong bad ka la kyntiew ia ka roi ka par ha nongkyndong, bad ai ka jingnang jingstad khlem pyniapher kynthei-shynrang da kaha ka ai jinghikai ia ki kynthei kiba dei na nongkyndong.
